ტუსკი: სირიული რეჟიმი რუსეთთან და ირანთან ერთად, ამ ადამიანურ ტრაგედიას ვეღარ გააგრძელებს

2018-04-14 11:44:17, 2048 ნახვა

მსოფლიო

ევროკავშირის საბჭოს თავმჯდომარე დონალდ ტუსკი საერთაშორისო კოალიციის მიერ სირიაზე განხორციელებულ სარაკეტო დარტყმას დადებითად აფასებს.

შესაბამისი განცხადება ევროსაბჭოს თავმჯდომარემ Twitter-ის საკუთარ გვერდზე გააკეთა.

„აშშ-ს, საფრანგეთისა და დიდი ბრიტანეთის დარტყმები იმაზე მეტყველებს, რომ სირიული რეჟიმი რუსეთთან და ირანთან ერთად ვეღარ გააგრძელებს ამ ადამიანურ ტრაგედიას, ყოველშემთხვევაში ისე არა, რომ სანაცვლოდ პასუხი არ აგონ. ევროკავშირი მოკავშირეებთან ერთად სამართლიანობის მხარეს იქნება“, - წერს დონალდ ტუსკი.

ცნობისთვის, დღეს დილით, საერთაშორისო კოალიციამ, რომელშიც აშშ, საფრანგეთი და ბრიტანეთი შედის, სირიაზე სარაკეტო დარტყმა განახორციელეს.

Strikes by US, France and UK make it clear that Syrian regime together with Russia & Iran cannot continue this human tragedy, at least not without cost. The EU will stand with our allies on the side of justice.
— Donald Tusk (@eucopresident) April 14, 2018