რუსეთის საგარეო საქმეთა სამინისტრომ შვეიცარიის საელჩოსთან მოქმედი საქართველოს ინტერესების სექციის თანამშრომელი მიუღებელ პირად გამოაცხადა, - ამის შესახებ რუსეთის საგარეო უწყების განცხადებაშია ნათქვამი.

როგორც განცხადებაშია აღნიშნული, რუსეთის საგარეო უწყებამ შესაბამისი გადაწყვეტილება, "საქართველოს უსაფუძვლო ქმედებების გამო მიიღო". ამასთან განცხადების მიხედვით, "დიდი ბრიტანეთის ბრალდებები სკრიპალის საქმესთან დაკავშირებით დაუსაბუთებელია".

"საქართველოს ინტერესების სექციის თანამშრომელმა რუსეთი 7 დღის განმავლობაში უნდა დატოვოს. შესაბამისი ნოტა 13 აპრილს რუსეთში შვეიცარიის საქმეებში დროებით რწმუნებულს პატრიკ ფრანცენს გადაეცა“, - ნათქვამია განცხადებაში.

შეგახსენებთ, რომ 29 მარტს, საქართველოს საგარეო საქმეთა სამინისტრომ საქართველოში შვეიცარიის კონფედერაციის საელჩოს რუსეთის ინტერესების სექციის თანამშრომელი მიუღებელ პიროვნებად გამოაცხადა და მოითხოვა, რომ მას საქართველო 7 დღის ვადაში დაეტოვებინა.

მოგვიანებით, მედიაში გავრცელდა ინფორმაცია, რომ რუსეთის ინტერესების სექციის თანამშრომელმა საქართველო უკვე დატოვა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა