გერმანიის საგარეო საქმეთა მინისტრის ჰაიკო მაასის განცხადებით, რუსეთზე პოლიტიკური ზეწოლა უნდა გაძლიერდეს.

"გაერო-ს უშიშროების საბჭოს სხდომაზე რუსეთმა აშშ-ის მიერ მომზადებულ რეზოლუციას, რომელიც სირიაში ქიმიური იარაღით თავდასხმის საქმის გამოძიებას შეეხებოდა, ვეტო დაადო. ეს არაერთხელ მომხდარა და ამის აღარ მოვითმენთ. არ შეიძლება ასე გაგრძელდეს. ამიტომ, ჩვენ ვინარჩნებთ პოლიტიკურ ზეწოლას რუსეთზე და უფრო მეტიც, ამ ზეწოლის გაძლიერება გვსურს. მიგვაჩნია, რომ რუსეთმა უნდა შეცვალოს პოზიცია და ეს სირიის კონფლიქტის დარეგულირების  ერთ-ერთი უმთავრესი წინაპირობაა", - განაცხადა გერმანიის საგარეო მინისტრმა.

ცნობისთვის, 11 აპრილს გაერო-ს უშიშროების საბჭოს სხდომაზე რუსეთმა აშშ-ის მიერ მომზადებულ რეზოლუციას, რომელიც სირიაში ქიმიური იარაღით თავდასხმის საქმის გამოძიებას შეეხებოდა, ვეტო დაადო.  რეზოლუციის მისაღებად, სულ მცირე ცხრა ხმა იყო საჭირო, თუმცა მის სასარგებლოდ ხმა მხოლოდ ექვსმა ქვეყანამ მისცა. რეზოლუციის წინააღმდეგ  7  ქვეყანა წავიდა, ხოლო ორმა ხმის მიცემისგან თავი შეიკავა. გაეროს უშიშროების საბჭოს წევრ ხუთ ქვეყანას ვეტოს უფლება აქვს, რომლის გამოყენებაც მათ იმ შემთხვევაში შეუძლიათ, თუ რეზოლუცია სულ მცირე ცხრა ხმას დააგროვებს. გაერო-სა და აშშ-ის რეზოლუციები სირიაში ქიმიური იარაღით თავდასხმას ადასტურებს და დამნაშავის გამოსავლენად ხელახალი გამოძიების დაწყებას ითვალისწინებს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა