აშშ-ს სირიაში ყოფნის მიზანი „ისლამურ სახელმწიფოზე“ გამარჯვებაა, - ამის შესახებ ამერიკის თავდაცვის მდივანმა ჯეიმს მატისმა ამერიკის კონგრესში კომიტეტის სხდომაზე განაცხადა.

აშშ-ის თავდაცვის მდივანი ფიქრობს, რომ სირიაში ქიმიური იარაღი გამოიყენეს.

მატისის თქმით, სირიაში მყოფი ამერიკელი ჯარისკაცების დაცვა ქიმიური იარაღის შესაძლო გამოყენებისგან საკმარისი საფუძველია იმისთვის, რომ პრეზიდენტმა დონალდ ტრამპმა სირიაში ძალის გამოყენების გადაწყვეტილება მიიღოს.

„არ ვფიქრობ, რომ უნდა ველოდოთ, ჩვენს წინააღმდეგ ქიმიურ იარაღს როდის გამოიყენებენ“,- აღნიშნა მატისმა.

კონგრესში სიტყვით გამოსვლისას ჯეიმს მეტისმა განაცხადა, რომ მტკიცებულებების შესაგროვებლად ადგილზე ინსპექტორების მუშაობაა აუცილებელი. 

მატისის განცხადებით, დროის გასვლასთან ერთად, სამუშაო სულ უფრო გართულდება.
აშშ-ის თავდაცვის მდივანმა სირიის მიერ ქიმიური იარაღის მარაგის შენარჩუნებაში რუსეთი დაადანაშაულა.

შეგახსენებთ, 8 აპრილს სირიის სახელისუფლო ძალებმა აღმოსავლეთ ღუტაში ტოქსიკური გაზი გამოიყენეს, რასაც ქალაქ დუმაში 70-მდე ადამიანი ემსხვერპლა. აშშ მომხდარზე პასუხისმგებლობას ასადის მოკავშირე რუსეთს აკისრებს, ოფიციალური მოსკოვი კი ბრალდებებს უარყოფს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა