რუსეთის პრეზიდენტის ვლადიმერ პუტინის შეფასებით, მდგომარეობა მსოფლიოში სულ უფრო ქაოტური ხდება, - ამის შესახებ კრემლის ხელმძღვანელმა 17 ქვეყნის ელჩების მიერ რწმუნებათა სიგელების გადაცემის ცერემონიაზე განაცხადა.

Russia Today-ს ცნობით პუტინმა აღნიშნა, რომ მსოფლიოში არსებული სიტუაცია არ შეიძლება შეშფოთებას არ იწვევდეს.

"მსოფლიოში საქმის ვითარება შემაშფოთებულია. მდგომარეობა სულ უფრო ქაოტური ხდება, თუმცა რუსეთი იმედოვნებს, რომ ჯანსაღი აზრი ბოლოს და ბოლოს გაიმარჯვებს, საერთაშორისო ურთიერთობები კონსტრუქციულ ფორმას მიიღებენ, ხოლო მთელი მსოფლიო სისტემა უფრო სტაბილური და პროგნოზირებადი გახდება", - განაცხადა პუტინმა.

ცნობისთვის, ამერიკის შეერთებული შტატების პრეზიდენტმა დონალდ ტრამპმა სირიაში ქიმიური იარაღის გამოყენებასთან დაკავშირებით რუსეთი გააფრთხილა. როგორც ტრამპმა აღნიშნა, ის სირიის მიმართულებით რაკეტებს გაუშვებს.

შეგახსენებთ, რომ 8 აპრილს სირიის სახელისუფლო ძალებმა აღმოსავლეთ ღუტაში ტოქსიკური გაზი გამოიყენეს, რასაც ქალაქ დუმაში 70-მდე ადამიანი ემსხვერპლა. აშშ მომხდარზე პასუხისმგებლობას ასადის მოკავშირე რუსეთს აკისრებს, ოფიციალური მოსკოვი კი ბრალდებებს უარყოფს. 10 აპრილს დონალდ ტრამპმა განაცხადა, რომ სირიაში განვითარებულ მოვლენებზე ამერიკის პასუხი 48 საათის განმავლობაში გახდება ცნობილი.

ავტორი: ,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს