ისრაელის საზოგადოებრივი უსაფრთხოების, სტრატეგიული კავშირებისა და ინფორმაციის მინისტრის გილად ერდანის განცხადებით, ისრაელმა გაერო-სთან არ უნდა ითანამშრომლოს, რადგან ის  „ჰამასის“ საგარეო საქმეთა სამინისტროდ იქცა.

როგორც მან აღნიშნა, ისრაელს ღაზას სექტორის საზღვართან მომხდარი ინციდენტების გამოძიება დამოუკიდებლად შეუძლია.

„გაერო-სთან თანამშრომლობისთვის არც ერთი მიზეზი აღარ არსებობს. გაერო  მტრული სტრუქტურაა. ის ტერორისტული ორგანიზაცია „ჰამასის“ საგარეო საქმეთა სამინისტროდ იქცა“,- განაცხადა ერდანმა.

შეგახსენებთ, რომ 30 მარტს რამდენიმე ათასმა პალესტინელმა ღაზას სექტორსა და ისრაელს შორის საზღვრთან დემოსტრაცია მოაწყო, რაც შემდგომში  არეულობაში გადაიზარდა. მომხდარის შედეგად 16 პალესტინელი დაიღუპა.

ისრაელის თავდაცვითი ძალების განცხადებით, მოკლული პალესტინელიდან სულ მცირე 10 ტერორისტული დაჯგუფებების წევრი იყო.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა