რუსეთის საგარეო საქმეთა სამინისტრო ჟენევის მოლაპარაკებების მორიგ რაუნდზე განცხადებას ავრცელებს.

როგორც უწყების განცხადებაშია ნათქვამი, საქართველოს პრემიერ-მინისტრის გიორგი კვირიკაშვილის 9 მარტის იმედისმომცემი განცხადების მიუხედავად, ჟენევის მოლაპარაკებებზე თბილისის წარმომადგენლებმა შეხვედრა "პროპაგანდისტულ აქციად" გადააქციეს. 

„მათ ისევ ისაუბრეს "რუსულ ოკუპაციაზე". ქართული მხარე კვლავაც შეეცადა რუსეთისთვის დაეკისრებინა პასუხისმგებლობა საკუთარ უუნარობაზე, დაარეგულიროს ურთიერთობა სოხუმთან და ცხინვალთან. რუსეთის მხრიდან ხაზი გაესვა ქართული მხრის კონტრპროდუქტიულ მცდელობებს, გამოიყენონ ჟენევის შეხვედრები საკუთარი იდეოლოგიური კლიშეებისთვის. ამის ნაცვლად, საქართველო ბოლოს და ბოლოს, სერიოზულად უნდა დაფიქრდეს მეზობლების ნდობის აღდგენაზე, ჟენევაში პირდაპირი უერთიერთპატივისმცემელი დიალოგი დაიწყოს აფხაზეთთან და სამხრეთ ოსეთთან, უარი თქვას სხვა ქვეყნების წაქეზებაზე მათი მოსახლეობის სავიზო ბლოკადასთან დაკავშირებით, გააუქმოს კანონი „ოკუპირებული ტერიტორიების შესახებ“, შეწყვიტოს ამ რესპუბლიკების კულტურულ-ჰუმანიტარული ღონისძიებების ჩაშლა", - აღნიშნულია განცხადებაშია. 

გარდა ამისა, განცხადებაში საუბარი ასევე არჩილ ტატუნაშვილზეც არის.  

„თბილისის წარმომადგენლები შეეცადნენ დისკუსიის ცენტრში მოექციათ ე.წ. ტატუნაშვილის საქმე და მის მკვლელობაში დაედანაშაულებინათ არა მხოლოს სამხრეთ ოსეთი, არამედ რუსეთიც. რუსეთის, ცხინვალის რეგიონისა და აფხაზეთის წარმომადგენლებმა ევროკავშირის სადამკვირვებლო მისიის მოქმედებების შესახებ შენიშვნები გამოთქვეს. სადამკვირვებლო მისიის წარმომადგენლები ხშირად არღვევენ ცხინვალისა თუ სოხუმის საზღვრებს. ასევე, დისკუსიის ყველა მონაწილე საქართველოს გარდა, შეთანხმდა იმაზე, რომ საზღვრების ტერიტორიებზე სიტუაცია კონტროლს ექვემდებარება, სტაბილურია და ინციდენტების რაოდენობა ნორმას არ აჭარბებს. სამწუხაროდ კოსნტრუქციული საუბარი ცეცხლის შეწყვეტის შეთანხმებასთან დაკავშირებით ვერ შედგა", - ნათქვამია განცახდებაში. 

შეგახსენებთ, რომ ჟენევაში გუშინ მოლაპარაკების მთავარი სამუშაო დღე იყო, თუმცა მხარეებმა ერთობლივ განცხადებაზე შეთანხმებას ვერ მიაღწიეს. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა