კემეროვოს ცენტრალურ მოედანზე, სავაჭრო ცენტრში გაჩენილი ხანძრის გამო, საპროტესტო აქცია მიმდინარეობს.

აქციაზე რამდენიმე ათასი ადამიანია შეკრებილი. ისინი ხანძრის გამომწვევი მიზეზების დადგენას და ადგილობრივი ხელისუფლების გადადგომას ითხოვენ.

აღსანიშნავია, რომ აქციის დაწყებამდე პოლიციას ცენტრალური მოედანი გადაკეტილი ჰქონდა, თუმცა მომიტინგეებმა კორდონი გაარღვიეს და საოლქო ადმინისტრაციის შენობასთან მივიდნენ. როგორც ისინი აცხადებენ, ქალაქისა და ოლქის ხელისუფლების წარმომადგენლები უნდა გასამართლდნენ.

მომხდართან დაკავშირებით დღეს კემეროვოში რუსეთის პრეზიდენტი ვლადიმერ პუტინი ჩავიდა. მან ხანძრის მიზეზად დანაშაულებრივი გულგრილობა და გაუფრთხილებლობა დაასახელა.

„ეს რა ხდება, ეს ხომ საომარი მოქმედებები ან მაღაროზე მეთანის ამოფრქვევა არ არის. ადამიანები ბავშვებით დასასვენებლად მივიდნენ. ჩვენ დემოგრაფიაზე ვსაუბრობთ, მაგრამ რის გამო დავკარგეთ ამდენი ადამიანი? ვიღაცის დანაშაულებრივი გულგრილობისა და დოყლაპიობის გამო“, - განაცხადა პუტინმა.

ამასთან, კემეროვოში სამ დღიანი გლოვა გამოცხადდა. გლოვის ნიშნად სახელმწიფო და რეგიონის დროშები დაეშვა.

შეგახსენებთ, რომ კემეროვში, სავაჭრო ცენტრში გაჩენილი ხანძრის შედეგად 64 ადამიანი დაიღუპა, მათი უმრავლესობა ბავშვები არიან. 44 ადამიანი ხანძრის დროს დაშავდა და 10 მათგანი მკურნალობას საავადმყოფოში აგრძელებს. პოლიციის განმარტებით, ხანძრის დროს, შენობაში სიგნალიზაცია არ ჩაირთო და დროულად არ განხორციელდა ევაკუაცია. კემეროვოს სავაჭრო ცენტრის მფლობელი ხანძრის დროს დაღუპული ადამიანების ოჯახებს სამი მილიონი, ხოლო ადგილობრივი ხელისუფლება ერთი მილიონი რუბლით დაეხმარება. რუსეთის საგამოძიებო კომიტეტმა ხანძრის გაჩენის საქმეზე 5 ადამიანი დააკავა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა