საქართველოს ტერიტორიული მთლიანობაც აღდგება და ყველა დამნაშავეც დაისჯება,- ამის შესახებ დევნილთა და განსახლების მინისტრმა სოზარ სუბარმა ჟურნალისტებს სოფელ წილკანში განუცხადა, სადაც არჩილ ტატუნაშვილის ოჯახს კიდევ ერთხელ მიუსამძიმრა.

სუბარის თქმით, ოკუპაცია აუცილებლად დასრულდება, რაზეც საქართველოს დასავლელი პარტნიორებისგან მხარდაჭერა აქვს. 

"კიდევ ერთხელ სამძიმარს ვუცხადებ ოჯახს, თუმცა ვიტყვი, რომ ეს არ არის მხოლოდ ერთი ოჯახის ტკივილი. ეს არის მთელი საქართველოს ტკივილი, ისევე, როგორც ოკუპაციის ნებისმიერი მსხვერპლი. აუცილებლად დადგება დღე, როდესაც ოკუპაცია დამთავრდება, როდესაც ოკუპანტი გახდება იძულებული, რომ კავკასიის ქედს იქით გადავიდეს. საქართველოს ტერიტორიული მთლიანობაც აღდგება და ყველა დამნაშავეც დაისჯება. ამაში ღრმად ვარ დარწმუნებული, უბრალოდ ამისთვის საჭიროა ბევრი ვიშრომოთ, რათა გვქონდეს ძალიან მტკიცე პოზიცია, ძლიერი საქართველო ავაშენოთ. ჩვენი მთავარი მომხრე, ამ შემთხვევაში, არის ჩვენი დემოკრატიული მხარდაჭრა და ჩვენი მოკავშირეები დასავლეთში", - განაცხადა სუბარმა.

შეგახსენებთ, რომ არჩილ ტატუნაშვილს ხვალ მუხათგვერდის ძმათა სასაფლაოზე სამხედრო პატივით დაკრძალავენ.

ტატუნაშვილის ცხედარი ქართული მხარის მიერ კონტროლირებად ტერიტორიაზე 20 მარტს გადმოასვენეს. 

ავტორი: ,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე