ტარდება და ჩატარდება ყველა საჭირო საგამოძიებო მოქმედება- ამის შესახებ, საქართველოს მტავარმა პროკურორმა ირაკლი შოთაძემ  ჟურნალისტებს სოფელ წილკანში განუცხადა, სადაც არჩილ ტატუნაშვილის ოჯახს კიდევ ერთხელ მიუსამძიმრა.

მისი თქმით, გამოძიება წარიმართება მაქსიმალურად სწრაფად და მაქსიმალურად ეფექტიანად. 

„შინაგან საქმეთა სამინისტროში მიმდინარეობს გამოძიება. ტარდება და ჩატარდება ყველა საჭირო საგამოძიებო მოქმედება. დანიშნულია სასამართლო სამედიცინო ექსპერტიზა და რა თქმა უნდა გამოძიება წარიმართება მაქსიმალურად სწრაფად და მაქსიმალურად ეფექტიანად, რომ რაც შეიძლება მალე გაირკვეს შესაბამისად, ის პირები რომლებმაც ჩაიდინეს დანაშაული. თუ ეს პიროვნებები იქნებიან უცხოეთში. არსებობს შესაბამისი პროცედურები რათა მოხდეს მისი დაკავება და მართლმსაჯულების წინაშე წარდგენა. მას შემდეგ რაც სამხარაულის ექსპერტიზის ბიუროში დასრულდება ექსპერტიზა, მიღებული იქნება სამართლებრივი გადაწყვეტილება საერთაშორისო ექპერტიზის საჭიროების შესახებ“,- განაცხადა შოთაძემ.  

მანვე აღნიშნა, რომ ოთხოზორიას მკვლელი წითელი წირკულარით იძებნება. 

„კონკრეტული პიროვნება რომელმაც მოკლა ოთხოზორია, დადგენილია. ეს პიროვნება მსჯავრდებულია დღესდღეობით და იგი წითელი ცირკულარით იძებნება ინტერპოლის არხებით. შესაბამისად, ის როგორც კი მოხვდება ნებისმიერ ქვეყანაში. ეს ქვეყანა ვალდებულია მოახდინოს მისი დაკავება“,-აღნიშნა პროკურორმა. 

 შეგახსენებთ, რომ არჩილ ტატუნაშვილს ხვალ მუხათგვერდის ძმათა სასაფლაოზე სამხედრო პატივით დაკრძალავენ.

ტატუნაშვილის ცხედარი ქართული მხარის მიერ კონტროლირებად ტერიტორიაზე 20 მარტს გადმოასვენეს. 

ავტორი: ,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე