საქართველოს პრეზიდენტის საპარლამენტო მდივანი ანა ნაცვლიშვილი მიესალმება საპარლამენტო უმრავლესობის ინიციატივას "გირგვლიანის შესწორებების" საპარლამენტო განხილვის დაწყებასთან დაკავშირებით, თუმცა აცხადებს, რომ "გირგვლიანის შესწორებები" სასამართლო სისტემის არსებითად გარდაქმნის გარეშე ფარსი იქნება.

მისი თქმით, საკანონმდებლო ცვლილებები უნდა გატარდეს იმისთვის, რომ ქვეყანა დაზღვეული იყოს მომავალში სისტემური უფლებადარღვევების გამეორებისგან, მაგრამ ნებისმიერი ცვლილება, რომელიც გირგვლიანის სახელით განხორციელდება, სასამართლო სისტემის არსებითად გარდაქმნას უნდა მოიცავდეს.

ამასთან, როგორც ნაცვლიშვილმა აღნიშნა, სასამართლო სისტემა უნდა დატოვონ იმ ადამიანებმა, „რომლებიც მოსამართლეების სახელით, წლების განმავლობაში, უსამართლობას ფუთავდნენ და აფორმებდნენ სამართლიანობის სახელით“.

„სასამართლო სისტემა უნდა გაჯანსაღდეს და მხოლოდ ასეთ პირობებში იქნება შესაძლებელი, რომ ქვეყანა დაცული იყოს სისტემური დანაშაულების გამეორებისგან. გარდა ამისა, ძალიან მაღალი დონის შეხვედრებზე, ბრიუსელსა და ვაშინგტონში, ყველა ჩვენი პარტნიორი გამოხატავდა წუხილს იმ მდგომარეობასთან დაკავშირებით, რომელიც დღეს ქართული მართლმსაჯულების სისტემაშია შემქნილი. ასევე მნიშვნელოვანია, რომ ჩვენ უკვე გადავდგით ნაბიჯები იმისთვის, რომ ეს საკანონმდებლო ცვლილებები იყოს მაქსიმალურად სწორი მიმართულებით გაწერილი.

დახმარებისთვის მოვიწვიეთ გაერო-ს სპეციალური მომხსენებლები საქართველოში, რომლებსაც მსგავს სიტუაციებთან გამკლავების ცოდნა გააჩნიათ; ასევე მზად ვართ, რომ გადავდგათ სხვა ნაბიჯები და ძალიან მნიშვნელოვანია, რომ ეს ცვლილებები დროულად გახდეს საჯარო, რათა საზოგადოებამ შეძლოს ჩაერთოს ამ პროცესში და საზოგადოებრივი მოსაზრებები იყოს გათვალისწინებული.

გირგვლიანის საქმე იყო ის საქმე, რომელმაც გააერთიანა ქართული საზოგადოება. შესაბამისად, წარმოუდგენელია, საზოგადოებრივი ჩართულობის და საზოგადოებრივი აზრის გათვალისწინების გარეშე დაიწეროს, გირგვლიანის სახელით, რაიმე ტიპის საკანონმდებლო ცვლილება",- აღნიშნა ანა ნაცვლიშვილმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია