სახალხო დამცველი ლევან ქუტაშვილს და იოსებ პავლიაშვილს შეხვდება

2018-03-13 12:40:46, 1408 ნახვა

სამართალი

სახალხო დამცველის, ნინო ლომჯარიას ინფორმაციით, ოკუპირებულ ცხინვალში დაკავებულ და შემდეგ გათავისუფლებულ საქართველოს მოქალაქეებს - ლევან ქუტაშვილს და იოსებ პავლიაშვილს უახლოეს მომავალში შეხვდება.

როგორც ომბუდსმენმა აღნიშნა, ამ ეტაპზე შეხვედრისთვის კონკრეტულ თარიღს ათანხმებენ.

„ასევე ველოდები, გამოძიებამ მუშაობა დაასრულოს. რა თქმა უნდა, ჩვენ მოქალაქეებს გარკვეული დრო სჭირდებათ, რომ თუნდაც ოჯახის წევრებთან გაატარონ. მომავალ კვირაში კონკრეტულ თარიღზე შევთანხმდებით. მე ვაპირებ ჩავიდე წილკანში, შევხვდე მათ და მივიღო მათგან ინფორმაცია“, - განაცხა სახალხო დამცველმა.

ნინო ლომჯარიამ აღნიშნულ ვითარებასთან დაკავშირებით რუსეთის პასუხისმგებლობაზეც ისაუბრა:

„პოლიტიკურად ვერ შევაფასებ, თუმცა სამართლებრივი თვალსაზრისით, რუსეთი არის სახელმწიფო, რომლიც ახორციელებს ეფექტურ კონტროლს ოკუპირებულ ტერიტორიებზე, შესაბამისად, ადამიანის უფლებების დარღვევის კუთხით, პასუხიმგებლობა ეკისრება სწორედ რუსეთის ფედერაციას. აქვე მინდა აღვნიშნო, რომ ეს არ არის პირველი შემთხვევა, როდესაც საოკუპაციო რეჟიმის ხელში უჩინარდებიან ან კვდებიან საქართველოს მოქალაქეები. კიდევ ერთხელ მინდა ვთქვა, რომ პოლიტიკურ შეფასებას ვერ გავაკეთებ, თუმცა აღნიშნულ შემთხვევებში პასუხიმგებლობა რუსეთს ეკისრება“,- განაცხადა ლომჯარიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები