პროკურორი: დღეს მოწმეები ხორავას ქუჩაზე განვითარებული მოვლენების შესახებ დეტალურად ისაუბრებენ

2018-03-08 13:09:09, 2223 ნახვა

სამართალი

ხორავას ქუჩაზე მოზარდების მკვლელობის საქმეზე სასამართლო პროცესი ბრალდების მხარის მტკიცებულებების გამოკვლევით განახლდა.

საქმის პროკურორმა ზვიად ფხაკაძემ, ჟურნალისტებთან საუბრისას დაცვის მხარის ადვოკატის ტარიელ კაკაბაძის ბრალდებებს უპასუხა. პროკურორმა უარყო, რომ ბრალდების მხარე მოწმეებზე ზეგავლენას ახდენს.

როგორც ფხაკაძემ აღნიშნა, პროცესზე წარმოდგენილი მოწმეები უშუალოდ ფაქტის შემსწრეები არიან.

"დღევანდელ პროცესზე წარმოდგენილი მოწმეები არიან მნიშვნელოვანი მოწმეები. ისინი ხორავას 4-ში განვითარებული მოვლენების შესახებ დეტალურად ისაუბრებენ. მოწმეების დაკითხვას დაცვის მხარე ჯვარედინი წესით დაიწყებს, თუმცა ეს არ ნიშნავს იმას, რომ ბრალდების მხარეს არ აქვს უფლება დაკითხოს მოწმეები",-განაცხადა ზვიად ფხაკაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები