პარლამენტის იურიდიულ საკითხთა კომიტეტის თავმჯდომარე ეკა ბესელია მიიჩნევს, რომ უმჯობესი იქნება, პარლამენტმა ტატუნაშვილის საკითხზე ერთიანი დოკუმენტი მიიღოს და რეზოლუცია ყველა პოლიტიკური ძალის მიერ იყოს მხარდაჭერილი.

როგორც დეპუტატმა აღნიშნა, მთავარია, დოკუმენტს ჰქონდეს არამხოლოდ შეფასების შინაარსი, არამედ მკვეთრი ეფექტი.

„ალბათ, ბოლო პერიოდის მოვლენებს თუ გავიხსენებთ ეს არის უმძიმესი მოვლენა. ყველანი ვართ შეძრული და ვართ მოლოდინის რეჟიმში. ბოლო ინფორმაცია იყო საიმედო და ველოდებით, რომ საბოლოოდ მაინც გადაწყდება გადმოსვენების საკითხი, რომ ოჯახს მიეცეს მართლაც დატირების საშუალება. ეს არის ადამიანურად ყველაზე მძიმე და ემოციური მომენტი. რაც შეეხება შემდეგ ქმედებებს, იცით რომ დაგეგმილია პარლამენტში რეზოლუციების განხილვა. ვფიქრობთ, რომ ალბათ უკეთესი იქნება, თუ ერთიან დოკუმენტს მივიღებთ. ჩვენს მიერ ინიცირებულ დოკუმენტში, რომელიც უმრავლესობამ წარმოადგინა, არის ძალიან მკაცრი შეფასებები და ფართო ხედვა ამ ძალიან მძიმე შემთხვევის გამო, საერთაშორისო საზოგადოების ჩართულობის, მობილიზების, რეაგირების და მგონია, რომ ეს დოკუმენტი ყველა პოლიტიკური ძალის მხრიდან უნდა იყოს მხარდაჭერილი. ჩვენთვის მთავარია, რომ დოკუმენტს ჰქონდეს არამხოლოდ შეფასების შინაარსი, არამედ მკვეთრი ეფექტი“, - განაცხადა ბესელიამ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია