საქართველოში ამერიკის შეერთებული შტატების ელჩი იან კელი აცხადებს, რომ მისთვის გაუგებარია, რატომ ვერ ხერხდება ოკუპირებულ ცხინვალში გარდაცვლილი არჩილ ტატუნაშვილის ცხედრის გადმოსვენება.

როგორც კელიმ აღნიშნა, ამერიკა რუსეთს ტატუნაშვიილის გადმოსვენებასტან დაკავშირებით უკვე ესაუბრა.

"ჩემთვის გაუგებარია, რატომ ვერ ხერხდება ცხედრის გადმოსვენება და 2 დაკავებული მოქალაქეების გათავისუფლება. ჩვენ მხარს ვუჭერთ საქართველოს ხელისუფლებას და მის ყველა ძალისხმევას ამ მიმართულებით. ამერიკა უკვე ესაუბრა რუსეთის ფედერაციას ამ თემაზე და ვაგრძელებთ მუშაობას, რომ მოხდეს ცხედრის გადმოცემა“, - განაცხადა კელიმ.

გარდა ამისა, ელჩი პარლამენტში რუსეთის წინააღმდეგ შეტანილ 2 რეზოლუციას გამოეხმაურა და აღნიშნა, რომ კარგი იქნება, თუ ერთობლივი დოკუმენტი შეიქმნება.

„რაც შეეხება რეზოლუციას, მე დეტალურად არ ვარ ინფორმირებული რა სხვაობაა ამ ორ დოკუმენტს შორის, მაგრამ კარგია, როცა უმრავლესობის და უმცირესობის წარმომადგენლები თანხმდებიან და იქმნება ერთობლივი დოკუმენტი“,- დასძინა იან კელიმ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია