პრეზიდენტის საპარლამენტო მდივნის ანა ნაცვლიშვილის შეფასებით, "მაუწყებლობის შესახებ" კანონპროექტში ასახული ცვლილებები, საზოგადოებრივი მაუწყებლის წინაშე არსებულ პრობლემებს ვერ მოაგვარებს.

როგორც ნაცლიშვილმა პლენარულ სხდომაზე სიტყვით გამოსვლისას განაცხადა, საზოგადოებრივი მაუწყებლის მოთხოვნები დაუსაბუთებელია.

"დაუსაბუთებელი მოთხვნის გაზიარება პარლამენტის მხრიდან მეტად მიზანშეუწონელი იქნება. საგულისხმოა ის, რომ კანონპროექტის განხილვის პროცესში ერთიანი სურათი - რა გამოწვევებია საზოგადოებრივი მაუწყებლის წინაშე დღეს, არ ყოფილა არც დანახული, არც გააანალიზებული და არც შეფასებული. უფრო მეტიც ამ კანონპროქტს ემიჯნება საზოგადოებრივი მაუწყებლის მმართველი რგოლის ნაწილი, მხედველობაში მაქვს საზოგადოებრივი მაუწყებლის აჭარის ხელმძღვანელობა. ისინი აცხადებენ, რომ მათ სულ სხვა პრობლემები აქვთ და მნიშვნელოვანია დისკუსია ყველა იმ პრობლემაზე, რომელიც აქვს საზოგადოებრივ მაუწყებელს მათ შორის აჭარის ნაწილს. ერთ-ერთი პრობლემა, რომელიც მათ აქვთ ეს არის შენობის პრობლემა და კიდევ რიგი სხვა პრობლემებისა. მიუხედავად ამისა, აჭარის საზმაუს გაცილებით ნაკლები თანხა აქვს, ვიდრე საზოგადოებრივ მაუწყებელს. ფული საზოგადოებრივ მაუწყებელს ვერ მოუტანს გაუმჯობესებულ ხარისხს, სამწუხაროდ ვერც გაზრდილ ნდობას. სამწუხაროა კიდევ ორი რამ - რომ ამ დისკუსიაში ერთიანი სურათის დანახვა არ მომხდარა. ეს სურათი უნდა იყოს დანახული. ასევე საყურადღებოა აუდიტის სამსახურის დასკვნაც.  საზმაუს ხელით და სახელით არ უნდა მოხდეს დარტყმა თავისუფალ მედია გარემოზე. საზმაუს ფუნქცია ის არ არის, რომ გამოაცალოს ხელიდან კერძო მაუწყებლებს მათი არსებობისთვის აუცილებელი სახსრები. საზმაუს ფუნქცია არის ის, რომ გააძლიეროს მედია გარემო, რომ ტონი მისცეს სხვა მედია საშუალებებს, რომ პრეცენდენტები მაგალითები შექმნას ინოვაციის, დამოუკიდებლობის, განვითარების  და ხარისხის. მნიშვნელოვანია ვიფიქროთ ისეთ გამოსავალზე, რომელიც გააძლიერებს საზმაუს და არ დაასუსტებს სხვა მედია საშუალებებს" , - განაცხადა პრეზიდენტის საპარლამენტო მდივანმა.

ავტორი: ,

სოციალური ქსელები

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა