„რატომ მარტო რუსეთი, თურქეთი არ არის საფრთხე? ირანი არ არის საფრთხე?“,-ასე უპასუხა „პატრიოტთა ალიანსის“ ლიდერმა  ირმა ინაშვილმა შეკითხვას - არის თუ არა რუსეთი საქართველოსთვის ერთ-ერთი მთავარი საფრთხე.

მისი თქმით,  საქართველოს ისეთი გეოპოლიტიკური მდებარეობა აქვს, რომ საფრთხეები არაერთი ქვეყნიდან შეიძლება მომდინარეობდეს.

„საქართველოს ტერიტორიების 33% თურქეთს აქვს ოკუპირებული, თურქეთი აჭარის რეგიონში ახორციელებს უკიდურესად სახიფათო პოლიტიკას“,-აღნიშნა ინაშვილმა.

შეკითხვას - ოკუპანტი რუსეთია, თუ თურქეთი, დეპუტატმა ასე უპასხუა: „ოკუპანტი თურქეთიც არის და რუსეთიც“.

აღნიშნული განცხადება ირმა ინაშვილმა პარლამენტში კომიტეტების გაერთიანებულ სხდომაზე სახელმწიფო დაზვერვის სამსახურის წარმომადგენლებთან შეხვედრის დაწყებამდე გააკეთა.

საპარლამენტო კონტროლის უზრუნველყოფის ფარგლებში, თავდაცვისა და უშიშროების კომიტეტი, საგარეო ურთიერთობათა კომიტეტი და დიასპორისა და კავკასიის საკითხთა კომიტეტი დახურულ ფორმატში,   სახელმწიფო დაზვერვის სამსახურის საქმიანობის შესახებ ინფორმაციას ეცნობიან.

ავტორი: ,

სოციალური ქსელები

გამოკითხვა: ტრამპის მოწონების რეიტინგი 33%-მდე დაეცა

მოსკოვზე უკრაინული დრონების ღამის თავდასხმა ბოლო ორი წლის განმავლობაში ყველაზე მასშტაბური იყო

ომი ისრაელს 140 მილიარდი დოლარი დაუჯდა - The Marker

შავ ზღვაში რუსული ნავთობის გადამზიდავ ბერძნულ ტანკერს თავს დაესხნენ - Bloomberg