საქართველოს მესამე პრეზიდენტის მიხეილ სააკაშვილის განცხადებით, მის ირგვლივ განვითარებულ ყველა მოვლენაში უკრაინის პრეზიდენტი პეტრო პოროშენკოა დაინტერესებული.

ამის შესახებ ოდესის ყოფილმა გუბერნატორმა კიევში, პეჩორის სასამართლო სხდომაზე განაცხადა.

ექს გუბერნატორის თქმით, პეტრო პოროშენკოს სურს, რაც შეიძლება სწრაფად მოხდეს მისი უკრაინიდან გაძევება.

“ყველაფერი ის, რაც ახლა ხდება, არის პეტრო პოროშენკოს პირდაპირი ბრძანება. მან დაარღვია უკრაინის კონსტიტუცია. რა ხდება პროცესზე - ეს არის უპრეცედენტო იურიდიულ პრაქტიკაში. ყველაფერი დაიწყო იქიდან, რომ დოკუმენტების ფალსიფიცირებით ჩამომართვეს უკრაინის მოქალაქეობა და ეს ბრძანებაც პირადად პეტრო პოროშენკომ გასცა. მათ არ სურთ მიხილონ უკრაინის ციხეშიც კი. სასამართლო ცდილობს უკვე მერამდენედ გამაძევოს ქვეყნიდან უაპელაციოდ. პირობას გაძლევთ, რომ უკრაინაში ხელისუფლება ძალიან მალე შეიცვლება“, - განაცხადა სააკაშვილმა.

აღსანიშნავია, რომ სასამართლო პროცესს მიხეილ სააკაშვილის მხარდამჭერებიც ესწრებიან.

ავტორი: ,

სოციალური ქსელები

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა

ნიკა გვარამია: ღარიბაშვილს მოსაყოლი ისტორია აქვს

გიორგი გახარიას ადვოკატი ჩორჩანას საქმეზე ირაკლი კობახიძის დაკითხვას ითხოვს