თბილისის სააპელაციო სასამართლოში დეკანოზ გიორგი მამალაძის საქმის დღევანდელი განხილვა დასრულდა.

ბრალდების მხარე სასამართლოს წინაშე საბოლოო სიტყვით წარსდგა.

პროკურორ ზვიად გუბელაძის თქმით,  სასამართლოს დაუმტკიცეს, რომ მამა გიორგი მამალაძემ მოამზადა შორენა თეთრუაშვილის განზრახ  მკვლელობა როგორც ანგარების, ისე შურისძიების მოტივით.

პროკურორს  მოლოდინი აქვს, რომ სააპელაციო სასამართლო მათ მოთხოვნას დააკმაყოფილებს და მამა გიორგი მამალაძეს დამნაშავედ ცნობს ანაგარების მოტივით შორენა თეთრუაშვილის განზრახ მკვლელობის მომზადებაში.

„ბრალდების მხარემ დღეს თავისი საბოლოო სიტყვა დაასრულა. სასამართლოს წარვუდგინეთ მტკიცებულება, რომელიც ადასტურებს გიორგი მამალაძის ბრალეულობას, ვფიქრობ, სასამართლოს დავუმტკიცეთ, რომ მამალაძემ მოამზადა თეთრუაშვილის განზრახ მკვლელობა, როგორც ანგარების, ისე შურისძიების მოტივით. გვაქვს მოლოდინი, რომ სააპელაციო სასამართლო მამალაძეს ცნობს დამნაშავედ თეთრუაშვილის განზრახ მკვლელობის მომზადებაში, ანგარებით“,-განაცხადა გუბელაძემ.

შემდეგი პროცესი 31 იანვარს გაიმართება, რა დროსაც საბოლოო სიტყვას დაცვის მხარე იტყვის.

თავად ბრალდებული მამა გიორგი მამალაძე არ აპირებს სასამართლოს დასკვნითი სიტყვით მიმართოს.

შეგახსენებთ, 2017 წლის 5 სექტემბერს საპატრიარქოს კარზე მომუშავე  დეკანოზი მამა გიორგი მამალაძე  პირველი ინსტანციის სასამართლომ პატრიარქის მდივან-რეფერენტ შორენა თეთრუაშვილის შურისძიების მოტივით განზრახ მკვლელობის მომზადებასა და ცეცხლსასროლი იარაღის/საბრძოლო მასალის მართლსაწინააღმდეგო შეძენა-შენახვის ბრალდებაში დამნაშავედ სცნო და მას 9 წლით თავისუფლების აღკვეთა მიუსაჯა.

პროკურატურა ფაქტობრივ გარემოებებს დაეთანხმა, თუმცა მოტივის ნაწილში პირველი ინსტანციის გადაწყვეტილება აპელაციის წესით გაასაჩივრა. სახელმწიფო ბრალდებას სურს, დეკანოზი  მამალაძე გასამართლდეს სსკ-ის 18-109-ე მუხლით, რომელიც განხზრახ მკვლელობის ანგარებით მომზადებას გულისხმობს.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს