კლუბს „ბასიანთან“ პოლიციელისა და დაცვის ორი თანამშრომლის დაჭრაში ბრალდებული თამაზ ქვლივიძის ადვოკატის, ზაზა მესხის განცხადებით, სასამართლომ ზეწოლას ვერ გაუძლო და უკანონო გადაწყვეტილება მიიღო.

ზაზა მესხი ამბობს, რომ სახელმწიფო ბრალდებას არ წარმოუდგენია არავითარი ახალი გარემოება, რის გამოც საქალაქო სასამართლოს მიერ შეფარდებული აღკვეთის ღონისძიება - გირაო,  შეიძლება პატიმრობით შეცვლილიყო.

ადვოკატის განმარტებით, ქვლივიძე ბრალს ნაწილობრივ აღიარებს. კერძოდ, იმ ნაწილში, რომ მას ცივი იარაღი ჰქონდა:

„უბრალოდ იქნევდა თავდაცვის მიზნით“, - აღნიშნა ზაზა მესხმა.

ცნობისთვის, თბილისის სააპელაციო სასამართლომ კლუბ „ბასიანთან“ პოლიციელისა და ობიექტის დაცვის 2 თანამშრომლის დაჭრაში ბრალდებულ თამაზ ქვლივიძეს აღკვეთის ღონისძიების სახით პატიმრობა შეუფარდა. იგი სასამართლო დარბაზში დააპატიმრეს.

შეგახსენებთ, გამოძიების ინფორმაციით,13 იანვარს, კლუბ „ბასიანთან“ მომხდარი ინციდენტის დროს ბრალდებულმა შსს 1 და ობიექტის დაცვის 2 თანამშრომელი ცივი იარაღით დაჭრა. მისი დაკავება დანაშაულის ადგილზე მოხდა. მას ბრალი წარედგინა საქართველოს სისხლის სამართლის კოდექსის სამი მუხლით. პროკურატურამ აღკვეთის ღონისძიების სახით პატიმრობა მოითხოვა და თბილისის საქალაქო სასამართლოს გადაწყვეტილება, გირაოს გამოყენების შესახებ, სააპელაციო სასამართლოში გაასაჩივრა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს