ოკუპირებულ სამხრეთ ოსეთში მარეკ დუდაევის მკვლელის ძებნა გრძელდება.

 ე.წ  სამხრეთ ოსეთის დე ფაქტო შს მინისტრმა იგორ ნანიევმა საინფორმაციო სააგენტო „რესს“ განუცხადა, რომ  სამართალდამცველი ორგანოების მიერ ჩატარებული ოპერაციის შედეგად, დამნაშავის ვინაობა დადგინდა.

„ეჭვმიტანილმა მიმალვა შეძლო და სავარაუდოდ, მან საქართველოს საზღვარი გადაკვეთა“– განაცხადა ნანიევმა.

ე.წ. სამართალდამცველების ინფორმაციით, საქართველოში მარეკ დუდაევის მკვლელის ნათესავები ცხოვრობენ. მათივე ცნობით, ეჭვმიტანილის ვინაობა გამოძიების ინტერესებიდან გამომდინარე არ სახელდება.

დე ფაქტო შს მინისტრის თქმით, მკვლელობის მიზეზი სავარაუდოდ, პირადი უთანხმოება გახდა.

„დამნაშავემ, მაკაროვის იარაღიდან დუდაევს თავში ორჯერ ესროლა“,– განაცხადა ნანიევმა.

როგორც გამოცემა „რესი“ იუწყება, თუ დამნაშავის საქართველოში ყოფნა დადასტურა, ე.წ სამხრეთ ოსეთის დე ფაქტო შესაბამისი ორგანოები ქართულ მხარესთან მოლაპარაკებას დაიწყებენ.

ე.წ. სამხრეთ ოსეთში მარეკ დუდაევი გუშინ მოკლეს. მკვლელობა სოფელ არცევში მოხდა.

შეგახსენებთ, რომ მარეკ დუდაევი, ქართველმა სამართალდამცავებმა 2004 წელს დააკავეს.  2013 წლის 7 ივნისს კი ამნისტიით გათავისუფლდა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა