აშშ-ის იუსტიციის დეპარტამენტმა მარიხუანასთან დაკავშირებით, ობამას ადმინისტრაციის დროინდელი კანონი გააუქმა. ინფორმაციას reuters -ი ავრცელებს.

კანონის  მიხედვით მის მოხმარებასთან დაკავშირებით არსებული ფედერალური კანონების მოქმედება რბილდებოდა იმ შტატებში, სადაც მოხმარება უკვე ლეგალიზებული იყო.

აღნიშნული კანონის გაუქმებით ფედერალურ პროკურორებს ფართო გასაქანი მიეცათ, მარიხუანას მოხმარებასთან დაკავშირებით სისხლის სამართლის საქმე აღძრან.

"პრეზიდენტ დონალდ ტრამპისთვის ყველაზე პრიორიტეტულია ფედერალური კანონები დაცული იყოს, იქნება ეს მარიხუანასთან თუ იმიგრაციასთან დაკავშირებული“, - განაცხადა თეთრი სახლის სპიკერმა სარა სანდერსმა.

ბოლო წლებში შტატების დონეზე მარიხუანას ლეგალიზების ფაქტებმა მოიმატა. ვაშინგტონის, ორეგონის, ალასკასა და ნევადას შტატებში კანაფის რეკრეაციული მიზნით მოხმარება ლეგალიზებულია, მასაჩუსეტსი და მეინი კი წელს აპირებენ იმავე ნაბიჯის გადადგმას.

2018 წლის 1 იანვარს, კალიფორნია გახდა აშშ-ის პირველი უმსხვილესი შტატი, რომელმაც გართობის მიზნად მარიხუანის ლეგალიზაციის კანონი აამოქმედა.

ავტორი: ,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს