ორთაჭალაში დაჭრილი ახალგაზრდა მამაკაცის მეზობლების განცხადებით, მას ღამით უცნობმა პირებმა მიაკითხეს და გარეთ გაიყვანეს.

მეზობლების თქმით, გასროლის ხმა, მამაკაცის გარეთ გასვლის შემდეგ გაისმა.

”წყნარი ბიჭია, კარგი ოჯახის შვილი, ძალიან გაკვირვებული ვართ, როგორ მოხდა ეს. გაიყვანეს სახლიდან, ვიღაცამ დაუძახა და შემდეგ ეს ამბავი მოხდა. მიზეზი არაფერი ვიცით. ოპერაცია გაუკეთდა, რეანიმაციაში იმყოფება, ფილტვი აქვს დაზიანებული. ერთი გასროლა არ იყო, თან ჩვეულებრივ გასროლას არ ჰგავდა, ავტომატის ხმასავით იყო”, - განაცხადა დაჭრილის ერთ-ერთმა მეზობელმა.

მეზობლები აცხადებენ, რომ ადგილზე კრიმინალისტები დღეს დილით მივიდნენ და საგამოძიებო მოქმედებების ჩატარება დაიწყეს.

"შემოღობილი იყო ტერიტორია და არავის არ უშვებდნენ. მოხაზული იყო პერიმეტრი", - აცხადებს მეზობელი.

შეგახსენებთ, რომ ორთაჭალაში, ბერძნის ქუჩაზე სროლის შედეგად მამაკაცი დაიჭრა.

როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მომხდარზე გამოძიება სისხლის სამართლის კოდექსის 19-108-ე მუხლით მიმდინარეობს, რაც გაზნრახ მკვლელობის მცდელობას გულისხმობს.

ავტორი: ,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს