აშშ-მა იერუსალიმთან დაკავშირებით გაეროს რეზოლუციას ვეტო დაადო

2017-12-19 11:44:15, 2159 ნახვა

მსოფლიო

გაეროს უშიშროების საბჭოს სხდომაზე ამერიკის შეერთებულმა შტატებმა იერუსალიმთან დაკავშირებით რეზოლუციას ვეტო დაადო, - ამის შესახებ Reuters იუწყება.

რეზოლუციის პროექტით გაერო იერუსალიმის სტატუსის შეცვლას არ ეთანხმება და ამერიკის პრეზიდენტს დონალდ ტრამპს მოუწოდებს თავის გადაწყვეტილებას გადახედოს.

როგორც გაერო-ში ამერიკის ელჩმა ნიკი ჰეილიმ აღნიშნა, რაც უშიშროების საბჭოს სხდომის მსვლელობისას იხილა, შეურაცხმყოფელია. მისივე თქმით, ეს პირველი ვეტოა, რომელიც აშშ-მ ბოლო 6 წლის განმავლობაში გამოიყენა.

„ის, რომ რეზოლუციაზე ვეტო გამოვიყენეთ ამერიკის სუვერენიტეტის დასაცავად და ახლო აღმოსავლეთში სამშვიდობო პროცესში აშშ-ის როლის ხაზგასასმელად, ჩვენთვის დამაბრკოლებელი არ უნდა იყოს“, - განაცხადა ჰეილიმ.

ცნობისთვის, აღნიშნული პროექტი, პალესტინამ მოამზადა, ხოლო გაერო-ს უშიშროების საბჭოში ეგვიპტემ წარადგინა. დოკუმენტში წერია, რომ "ყველა გადაწყვეტილებას და ქმედებას, რომელიც იერუსალიმის სტატუსის და დემოგრაფიული შემადგენლობის შეცვლას ემსახურება, იურიდიული ძალა არ აქვს და გაერო-ს რეზოლუციების შესაბამისად უნდა გაუქმდეს". რეზოლუციის პროექტს მხარი საბჭოს 14-მა წევრმა დაუჭირა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები