2017-12-15 16:27:10, 2829 ნახვა
მსოფლიო
უკრაინის საგარეო უწყება - სააკაშვილის შესაძლო ექსტრადირების შესახებ მოლაპარაკებებს არ ვაწარმოებთ
უკრაინის საგარეო საქმეთა სამინისტრო საქართველოს მესამე პრეზიდენტის მიხეილ სააკაშვილის შესაძლო ექსტრადირების შესახებ მოლაპარაკებებს არ აწარმოებს, - ამის შესახებ უკრაინის საგარეო საქმეთა მინისტრის მოადგილე ვასილი ბოდნარმა განაცხადა.
„საგარეო საქმეთა სამინისტრო ნამდვილად არანაირ მოლაპარაკებებს არ აწარმოებს. საქართველო ჩემს კომპეტენციაში შედის, თუმცა საგარეო უწყებების ხაზით არანაირი კონტაქტები არ ყოფილა“, - განაცხადა ბოდნარმა.
მინისტრის მოადგილემ განმარტა, რომ მსგავსი მოთხოვნები იუსტიციის სამინისტროს ხაზით გენერალურ პროკურატურაში მიდის და დასძინა, რომ ასეთი ტიპის პროცესებში საგარეო საქმეთა სამინისტროები არ მონაწილეობენ.
![]()
ავტორი: ,
epn.ge (@expressnews.ge)
