საქართველოს მესამე პრეზიდენტის მიხეილ სააკაშვილის განცხადებით, მას არ აქვს ამბიცია უკრაინის პრეზიდენტი გახდეს, - ამის შესახებ Current Time იუწყება.

როგორც სააკაშვილმა აღნიშნა, ქვეყნის ლიდერის პოსტი ეთნიკურად უკრაინელმა უნდა დაიკავოს.

"მე არ მაქვს ამბიცია უკრაინის პრეზიდენტი გავხვდე. ეს პოსტი ცალსახად ეთნიკურად უკრაინელმა უნდა დაიკავოს. თუმცა ეთნიკურობა უკრაინაში შედარებითი საკითხია. მიუხედავად ამისა, ვთვლი, რომ პრეზიდენტი უნდა იყოს ის ადამიანი, ვინც უკრაინაში დაიბადა და მთელი ცხოვრება აქ გაატარა. მე ჩამოვედი უკრაინაში ყმაწვილობაში, თუმცა აქ არ დავბადებულვარ და მთელი ცხოვრება აქ არ მიცხოვრია", - განაცხადა ყოფილმა გუბერნატორმა.

ამასთან, სააკაშვილი აცხადებს, რომ უკრაინაში პოლიტიკურ მოღვაწეობას გააგრძელებს.

"როგორც კი უკრაინაში ნორმალური ხელისუფლება იქნება და სასამართლოზე არ მოხდება ზეწოლა, მე მოქალაქეობას დამიბრუნებენ. მე გავაგრძელებ პოლიტიკურ საქმიანობას", - აღნიშნა სააკაშვილმა და დასძინა, რომ მზად არის პრემიერ-მინისტრის პოსტი დაიკავოს.

"მზად ვარ ავიღო ასეთი პასუხისმგებლობა ჩემს თავზე", - განაცხადა ყოფილმა პრეზიდენტმა.

ავტორი: ,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს