„ევროპული საქართველოს“ ერთ-ერთი ლიდერი, ელენე ხოშტარია  გუშინდელ სპეცოპერაციას გამოეხმაურა.

როგორც მან აღნიშნა, მომხდართან დაკავშირებით ნიშნისმოგებით შეფასებები ან პოლიტიკური სპეკულაციები ყოვლად დაუშვებელია. 

„ხელისუფლებამაც თავი უნდა შეიკავოს, რომ ოპოზიციასთან კინკლაობის თემად არ გახადოს ეს და  ოპოზიციაც ძალიან პასუხისმგებლობით უნდა მოვეკიდოთ, რომ ქულების ჩაწერაზე არ ვიყოთ ორიენტირებული. სპეცოპერაციის თემაზე აბსოლუტურად დაუშვებელია ნიშნის მოგებით შეფასებები ან პოლიტიკური სპეკულაციები. არსებობს ძალიან ლეგიტიმური კითხვები, რასაც პასუხი უნდა გაეცეს. ჯერ ფაქტები არ ვიცით რომ გავაკეთოთ სათანადო შეფასებები, თუ რა ტიპის საფრთხესთან გვაქვს საქმე, რა ტიპის ჯგუფი იყო, როგორ შემოვიდა ეს ჯგუფი და სამომავლოდ რამე საფრთხე ხომ არ არის. საქმის რაღაც ნაწილი, შეიძლება ვერ გახდეს საჯარო, უსაფრთხოებიდან გამომდინარე, მაგრამ ამ დონეზე არაფრის ცოდნა არ არის დამაკმაყოფილებელი არც საზოგადოებისთვის და არც ქვეყნისთვის“, - განაცხადა ელენე ხოშტარიამ.

შეგახსენებთ, გუშინ, გაბრიელს სალოსის გამზირზე ანტიტერორისტული სპეცოპერაცია ჩატარდა. სპეცოპერაციის შედეგად, ტერორიზმთან კავშირში ეჭვმიტანილი 1 პირი დააკავეს, 3 კი, ლიკვიდირებულია.

ავტორი: ,

სოციალური ქსელები

მთავრობამ თელავის მუნიციპალიტეტს სტიქიის სალიკვიდაციოდ ნახევარი მილიონი ლარი გამოუყო

ძალადობით ჩადენილი ძარცვის ბრალდებით ორი პირია დაკავებული, მათ შორის ერთი არასრულწლოვანი

კორუფციის ბრალდებით ჩინოვნიკები დააკავეს, მათ ქრთამი აიღეს

ევროკავშირის უმაღლესმა დიპლომატმა ომის დაწყების შემდეგ რუსეთის წინააღმდეგ „ყველაზე მასშტაბური“ სანქციების პაკეტი გამოაცხადა