„როგორც ჩანს უჩა ნანუაშვილი პოლიტიკური აქტიურობისთვის ემზადება მას შემდეგ, რაც აღარ იმუშავებს სახალხო დამცველის პოსტზე“,-ამის შესახებ საქართველოს პარლამენტის თავმჯდომარემ ირაკლი კობახიძემ  ჟურნალისტებს განუცხადა.

„ აღარ მინდა გავაღრმავო ეს დისკუსია.  უამრავი მიზეზი არსებობს იმისთვის, რომ ასეთი შეფასება გაკეთდეს, ამის დემონსტრირებას თითქმის ყოველდღიურ რეჟიმში ახდენდა სახალხო დამცველი. სამწუხაროდ, ის ბოლო 1 წლის განმავლობაში გადასული იყო პოლიტიკურ აქტივობაზე. როგორც ჩანს, ემზადება პოლიტიკური აქტიურობისთვის მას შემდეგ, რაც აღარ იმუშავებს სახალხო დამცველის პოსტზე”, -აღნიშნა კობახიძემ.

ამასთან, პარლამენტის თავმჯდომარე იუსტიციის მინისტრის თეა წულუკიანის მხრიდან ომბუდსმენის მიმართ გაკეთებულ განცხადებასაც გამოეხმაურა.

 როგორც კობახიძემ აღნიშნა, თეა წულუკიანს შეფასების გაკეთების უფლება აქვს.

„იუსტიციის მინისტრს  აქვს იმის მორალური უფლება, რომ შეაფასოს სახალხო დამცველის საქმიანობა. მე მოვისმინე მისი მხრიდან შეფასება. ის საუბრობდა იმაზე, რომ ეს სახალხო დამცველი არის ყველაზე უსამართლო სახალხო დამცველი ჩვენი ისტორიის მანძილზე. ეს არის მისი შეფასება. ამის მორალური უფლება აქვს“,-განაცხადა ირაკლი კობახიძემ.

ავტორი: ,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის