ექსპერტი ეკონომიკურ საკითხებში სოსო არჩვაძე მიიჩნევს, რომ ეროვნულმა ბანკმა ლარის კურსთან დაკავშირებით  საზოგადოებაში მეტი საგანმანათლებლო საქმიანობა უნდა აწარმოოს.

როგორც არჩვაძემ „ექსპრესნიუსს“ განუცხადა, ლარის კურსის გაუფასურების ერთ-ერთი მნიშვნელოვანი ფაქტორი საზოგადოებაში არსებული ნეგატიური მოლოდინებია.

მან არაპირდაპირ მაგალითად მოიყვანა 1970 წელი, როდესაც  ქვეყანაში   ქოლერის ეპიდემია არსებობდა და საზოგადოებამ აქტიური  კამპანიის მეშვეობით ისწავლა, როგორ მოქცეულიყო ექსტრემალურ ვითარებაში. ამ ყველაფერმა კი, სოსო არჩვაძის შეფასებით, შედეგიც გამოიღო:

 „ის (ეროვნული ბანკი) არ უნდა იყოს ოლიმპოს მთაზე მჯდარი ზევსივით და არ უნდა ადევნებდეს მხოლოდ თვალყურს პროცესებს. ის აქტიურად უნდა იძლეოდეს ახსნა-განმარტებით სამუშაოებს. პირდაპირ შედარება  არ შეიძლება, თუმცა მახსოვს 1970 წელს, როცა საქართველოში, ისე, როგორც საბჭოთა კავშირში, ადგილი ჰქონდა  ქოლერას,  ჯანდაცვის მინისტრის პირველი მოადგილე ტელეეკრანიდან არ ჩამოსულა და მისი განმარტებითი   მუშაობის საფუძველზე მოხერხდა სიტუაციის დალაგება. ხალხმა ისწავლა, როგორ მოქცეულიყო ამ ექსტრემალურ პირობებში და ეს დაყვანილი იყო მინიმალურ დონეზე. ანალოგიურად უნდა ხდებოდეს ეროვნული ბანკის ხელმძღვანელობიდან განმარტებითი სამუშაოების განხორციელება“,-აღნიშნა სოსო არჩვაძემ.

ავტორი: ,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის