სერბი კინორეჟისორი ემირ კუსტურიცა ოკუპირებული აფხაზეთის ”კეთილი ნების ელჩი“ გახდა, - ამის შესახებ "სპუტნიკ-აბხაზია" იუწყება.

მედია საშუალების ინფორმაციით, შესაბამისი სერტიფიკატი და მედალი კუსტურიცას მოსკოვში გადასცეს.

კინორეჟისორი თვლის, რომ მსოფლიო თანამეგობრობამ ყურადღება უნდა მიაქციოს „აფხაზეთის კულტურული მემკვიდრეობის" დაცვის საკითხს.

„მე, როგორც გაერო-ს კეთილი ნების ელჩი, მხარს ვუჭერ „აფხაზეთის კეთილი ნების ელჩების“ მოწოდებას. ძველი ქრისტიანული ტაძრები, რომლებიც აფხაზეთში მდებარეობს, უნდა შენარჩუნდეს და მომავალ თაობებმა ისინი უნდა ნახონ“, - განაცხადა ემირ კუსტურიცამ.

მანვე დასძინა, რომ „აფხაზეთი მსოფლიო ქრისტიანობის უძველესი ცენტრია“. რეჟისორი თვლის, რომ მსოფლიო თანამეგობრობამ, განსაკუთრებით კი, გაერომ, „არ უნდა უგულებელყოს აფხაზეთში მსოფლიო ქრისტიანული კულტურის ძეგლების განადგურება“.

ავტორი: ,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა