კოჟორიძე: კარგია, რომ უმრავლესობა უსმენს პრეზიდენტს, თუმცა ცუდია, რომ არ უსმენს საერთაშორისო მისიებს

2017-10-26 19:07:07, 1911 ნახვა

კომენტარი

საქართველოს პრეზიდენტის მრჩეველი ადამიანის უფლებათა დაცვის საკითხებში კახა კოჟორიძე არჩევნებში ადმინისტრაციული რესურსის გამოყენების შესახებ უმრავლესობის კრიტიკას ეხმაურება.

,,ძალიან კარგია, რომ უსმენენ პრეზიდენტს, თუმცა ცუდია, რომ არ უსმენენ და არ ეცნობიან საერთაშორისო სადამკვირვებლო მისიების: ეუთო/ოდირი-ის, NDI-ის და ადგილობრივი ძირითადი სადამკვირვებლო ორგანიზაციების დასკვნებს, რომლებიც ყველა ერთად, ხაზგასმით აღნიშნავენ, რომ მთელ ამ საარჩევნო პროცესში ადმინისტრაციული რესურსის გამოყენება ერთერთი მთავარი პრობლემა იყო", - განაცხადა კახა კოჟორიძემ.

შეგახსენებთ, საქართველოს პრეზიდენტმა გიორგი მარგველაშვილმა გუშინ „მაესტროს“ ეთერში განაცხადა, რომ „ადმინისტრაციული რესურსის გამოყენებაზე, სამწუხაროდ, ქვეყანამ უარი ჯერ კიდევ ვერ თქვა“.

პრეზიდენტს დღეს თბილისის მერის არჩევნებში გამარჯვებული კანდიდატი კახა კალაძე გამოეხმაურა. როგორც კალაძემ აღნიშნა, „გამოგონილ ჭორებზე განცხადების გაკეთება პრეზიდენტის მხრიდან, არასწორია“.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები