უკრაინის გენერალური პროკურორის იური ლუცენკოს განცხადებით, საქართველოს მესამე პრეზიდენტის მიხეილ სააკაშვილის თანამოაზრეები ქვეყანაში გადატრიალებას გეგმავენ, - ამის შესახებ Ria იუწყება.

ლუცენკოს თქმით, ხელისუფლება მათ დესტაბილიზაციის მოწყობის საშუალებას არ მისცემს.

გარდა ამისა, ლუცენკომ აღნიშნა, რომ უმაღლეს რადასთან უკვე რამდენიმე დღის განმავლობაში მიმდინარე საპროტესტო აქცია, რომლის ორგანიზატორი მიხეილ სააკაშვილია, საზღვარგარეთიდან ფინანსდება.

"უფლება, რომ მშვიდობიანი პროტესტო ჩაატარო, არ ნიშნავს იმას, რომ გაქვს უფლება ქვეყანაში გადატრიალება მოაწყო. რამდენადაც ვიცი, გადატრიალების მოწყობა 150-200 ადამიანისგან შემდგარ ჯგუფს სურს. მათ აქვთ შეძენილი იარაღი და ფინანსდებიან საზღვარგარეთიდან, მოვა დრო და ამას დავამტკიცებ", - განაცხადა გენერალურმა პროკურორმა.

მისივე ინფორმაციით, როდესაც სააკაშვილი ოდესის ოლქის გუბერნატორი პოსტს იკავებდა, მან 20-მდე ადამიანის ბინადრობის საბუთი მისცა, იმისათვის, რომ როგორც ლუცენკო განმარტავს, დამატებითი მხარდაჭერა ჰქონოდა.

"სწორედ ახლა, ეს ადამიანები იარაღით, იცავენ სააკაშვილს და გადატრიალებას გეგმავენ", - აღნიშნა პროკურორმა.

ავტორი: ,

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა