ე.წ. ციანიდის საქმის ადვოკატები ჩვენებების მედიით გავრცელების საქმეზე, გამოკითხვას მოსამართლის თანდასწრებით მოითხოვენ.

ამის შესახებ ადვოკატმა მიხეილ რამიშვილმა ჟურნალისტებს პროკურატურის დატოვების შემდეგ განუცხადა.

„ძალიან კონკრეტულად და ძალიან მოკლედ ვუთხარი, რომ ყველა ამ შეკითხვებზე პასუხი გაეცემა მაგისტრი მოსამართლის თანამონაწილეობით. კითხვების არეალი იყო შემდეგი -  ვის შეეძლო ეს ინფორმაცია მიეწოდებინა ტელევიზიებისთვის და ვინ შეიძლებოდა ყოფილიყო ამის წყარო“,-განაცხადა მიხეილ რამიშვილმა.

გარდა რამიშვილისა, მთავარ საგამოძიებო უწყებაში გამოკითხვაზე დეკანოზ მამალაძის სხვა  ადვოკატებიც იყო დაბარებული.

ადვოკატი გიორგი ფანცულაია ასევე მოითხოვს, რომ მისი გამოკითხვაც  სასამართლოს წესით ანუ მოსამართლის თანდასწრებით მოხდეს.

„ყველა ის მოწმე, რომელიც დაიკითხა, ყველა ის მტკიცებულება, რომელიც გამოკვლეულ იქნა აშკარად მიუთითებს რომ აბსოლუტურად არ დასტურდება ის წაყენებული ბრალი რაც ანგარებით წაუყენა პროკურატურამ  დეკანოზს და ასევე ის გადაკვალიფიცირებული ბრალი, რომელიც შემდეგ განაჩენის სახით ასახა ბესიკ ბუგიანიშვილმა. ბესიკ ბუგიანიშვილის გადაწყვეტილებაში აბსურდთან ერთად ლოგიკასაც ვერ ვხედავთ“,-განაცხადა გიორგი ფანცულაიამ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია