„ნაციონალური მოძრაობის“ აქციაზე დაკავებული პირები გაათავისუფლეს

2017-10-03 16:13:36, 2416 ნახვა

სამართალი

თბილისის მერიასთან, „ნაციონალური მოძრაობის“ საპროტესტო აქციაზე დაკავებული პირები საქალაქო სასამართლოს დარბაზიდან გაათავისუფლეს.

მათი სასამართლო პროცესი 17 ოქტომბრამდე გადაიდო.

დედაქალაქის მერიას სათვალთვალო ვიდეოკამერების ჩანაწერები წარდგენა დაევალა, რომელიც უწყებამ 5 დღის განმავლობაში უნდა გადასცეს. სწორედ ეს გახდა სხდომის გადადების მიზეზი.

შეგახსენებთ, რომ გუშინ, მერიასთან "ნაციონალური მოძრაობის" მიერ ორგანიზებულ აქციაზე 6 პირი დააკავეს. მათი დაკავება ადმინისტრაციულ სამართალდარღვევათა კოდექსის 166-ე და 173-ე მუხლებით მოხდა, რაც წვრილმან ხულიგნობას და სამართალდამცველის მოთხოვნისადმი დაუმორჩილებლობას გულისხმობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები