ტერორიზმთან ბრძოლის საკითხებში ევროკავშირის კოორდინატორი ჟილ დე კერკოვი არ გამორიცხავს, ევროკავშირმა ტერორისტებს "სამხედრო პასუხი" გასცეს, - ამის შესახებ ინფორმაციას სააგენტო Levif ავრცელებს.

როგორც ჟილ დე კერკოვმა აღნიშნა, ევროკავშირში მცხოვრებ 82%-ს ტერორიზმის წინააღმდეგ ბლოკის გააქტიურება სურს.

მისი თქმით, რადიკალური ისლამი დღეს უფრო და უფრო მეტ ადამიანზე ახდენს გავლენას. ხშირად ამ ადამიანებს ტერორისტულ დაჯგუფებებთან პირდაპირი კავშირი არც კი აქვთ.

მან ასევე ამერიკაში, 2001 წლის 11 სექტემბრის ტერაქტიც გაიხსენა, რის შედეგადაც ასობით ადამიანი დაიღუპა.

"ჩვენ არ გამოვრიცხავთ სამხედრო პასუხს, თუმცა არ გვინდა მხოლოდ სამხედრო კუთხით მივუდგეთ საქმეს, როგორც ეს უმცროსმა ჯორჯ ბუშმა გააკეთა", - დასძინა კოორდინატორმა.

ცნობისთვის, ჟილ დე კერკოვი ტერორიზმთან ბრძოლის საკითხებში ევროკავშირის კოორდინატორად 2009 წლის 19 სექტემბერს დაინიშნა.

ავტორი: ,

სოციალური ქსელები

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის

რუსეთში იმპორტირებული ინდური ბენზინი რუსულ ბენზინზე ორჯერ ძვირი აღმოჩნდა

დეზინფორმაციული კამპანიით ცდილობენ ეჭვქვეშ დადგეს გელათის გადახურვის საკითხი – კომიტეტი

კობა ფარტენაძის თქმით, მას ბათუმში თავს კიდევ ერთხელ დაესხნენ