რუსმა გამომძიებლებმა მოსკოვის დიდი თეატრის ბალერინას ოლგა დემინას მკვლელობა გახსნეს, - ამის შესახებ Newsru.com იუწყება.

მედია საშუალების ინფორმაციით, გამოძიებამ დაადგინა, რომ ბალერინას მკვლელობაში ეჭვმიტანილი, მისი ნაცნობი - საქართველოს მოქალაქე მალხაზ ჯავოევია.

სამართალდამცველბის თქმით, ჯავოევი მცველად მუშაობდა. დაუდასტურებელი ცნობით, მალხაზ ჯავოევი მდიდარ და გავლენიან ხალხს, ბალერინებს აცნობდა, ესკორტ მომსახურებისთვის. გარდა ამისა, ჯავოევმა, სავარაუდოდ, ოლგა დემინას პორნოგრაფიული ფოტოები გაავრცელა ინტერნეტ სივრცეში. 

როგორც მედია წერს, ამჟამად მალხაზ ჯავოევი Матросская тишина-ს იზოლატორში იმყოფება და ჩვენების მიცემაზე უარს ამბობს. ჯავოევს ბრალი განზრახ მკვლელობისთვის წაუყენეს. 
გამოძიების თანახმად, ჯავოევმა მოსკოვში ფარული ბიზნესი ჩამოაყალიბა. 2012 წელს ერთ-ერთ ღონისძიებაზე 23 წლის ოლგა დემინა გაიცნო. 

2014 წლის დასაწყისში  ბალერინამ ჯავოევს თავის კუთვნილი ბინა 2 მილიონ 975 ათას რუბლად მიჰყიდა. აპირლში ჯავოევმა  აღნიშნული ბინა მესამე პირზე გაყიდა, თუმცა პირობა მისცა დემინას, რომ თანხას გაუყოფდა. მიუხედავად ამისა, ჯავოევმა სრული თანხა მიისაკუთრა. უკვე 2014 წლის აგვისტოში ბალერინა ოლგა დემინა გაუჩინარდა. მანამდე მან გაყიდა კუთვნილი ავტომობილი და სოციალური ქსელიდან ყველაფერი წაშალა. 

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია