ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე სტრანა უა-ს მიერ გავრცელებულ აუდიოჩანაწერს გამოეხმაურა.

როგორც დოლიძემ ჟურნალისტებს განუცხადა, მისთვის აბსოლუტურად საკმარისია შს მინისტრის გიორგი მღებრიშვილის კომენტარი.

"ჩემთვის შინაგან საქმეთა მინისტრის კომენტარი არის აბსოლუტურად საკმარისი. ვფიქრობ, რომ მან ძალიან ნათლად განაცხადა იმის თაობაზე, თუ რეალურად რასთან გვაქვს საქმე. ამიტომ მე, არანაირი ეჭვის საფუძველი იმისა, რომ ვიღაცას შესაძლებელია, რომ ჰქონდეს, ნამდვილად არ მაქვს. მითუმეტეს გიორგი მღებრისთვილთან დაკავშირებით", - განაცხადა დოლიძემ. 

ცნობისთვის, Страна.ua-მ გაავრცელა  აუდიო ჩანაწერი, სადაც რუსი პრანკერები ამბობენ, რომ თითქოს შინაგან საქმეთა მინისტრს გიორგი მღებრიშვილს უკრაინის შს მინისტრის არსენ ავაკოვის სახელით დაურეკეს. შსს-მ აღნიშნულთან დაკავშირებით განმარტება გააკეთა. უწყების პრესსამსახურის განმარტებით, უკრაინის შს მინისტრსა და გიორგი მღებრიშვილს შორის სატელეფონო საუბარი არ შემდგარა. აღნიშნულს პირადად შს მინისტრიც გამოეხმაურა და განაცხადა, რომ გავრცელებული აუდიოჩანაწერი მხოლოდ ანტიპიარია, რომელსაც "ნაციონალური მოძრაობის" წევრები ხელისუფლების წინააღმდეგ იყენებენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება