„გული მტკივა იმაზე, რომ ჩემმა ასეთი ფორმულირებით გაცემულმა პასუხმა გარკვეული მღელვარება გამოწვია საზოგადოების გარკვეულ ნაწილში“,-ასე გამოეხმაურა შრომის, ჯანმრთელობისა და სოციალური დაცვის მინისტრი დავით სერგეენკო მის მიერ მთავრობის სხდომაზე გაკეთებულ განცხადებას. 

სერგეენკოს თქმით, მას სჯერა, რომ უახლოეს დღეებში საშუალება მიეცემა მის მიერ გაკეთებულ განცხადებასთან დაკავშირებით დეტალური განმარტება გააკეთოს.

„ოკუპაციასთან დაკავშირებით პირველ რიგში მინდა მართლაც  ქედი მოვიხარო იმ ადამიანების ხსოვნის წინაშე, რომლებმაც თავი შესწირეს სამშობლოს ტერიტორიულ მთლიანობას. დღეს მართლაც ტრაგიკული დღეა. რაც შეეხება, ჩემს რამდენიმე დღის წინანდელ განცხადებას, გული მტკივა იმაზე, რომ ჩემმა ასეთი ფორმულირებით გაცემულმა პასუხმა გარკვეული მღელვარება გამოიწვია საზოგადოების ნაწილში. ნამდვილად  ვწუხვარ ამაზე და მჯერა, რომ უახლოეს დღეებში მომეცემა საშუალება დეტალური განმარტება გავაკეთო.

რა თქმა უნდა არ მქონია იმის თქმა აზრად, რომ ოკუპაცია არ არსებობს საქართველოში. ოკუპაცია დაიწყო ბოლო პერიოდში 90-იანი წლების დასაწყისიდან და რამდენიმე დამანგრეველი ტალღა იყო   და დღესაც უდიდესი პრობლემაა.  მე გულწრფელად მჯერა, რომ ამ ფრაზის შინაარსის განმარტებას შევძლევ. კიდევ ერთხელ ვამბობ, რომ გულწრფელად ვწუხვარ იმაზე, რომ ასეთი ფორმულირებით, ალბათ სჯობდა, რომ სხვანაირად გამეკეთებინა განცხადება. რა შინაარსისაც უნდა იყოს ოკუპაცია, მცოცავი, პროგრესული, ეტაპობრივად ეს არის დამანგრეველი. საქართველოს ტერიტორიების 20%-ზე მეტი არის ოკუპირებული, ამას შეეწირა ასეულობით ადამიანი და ასეულობით ათასი გადაიქცა დევნილად. რა თქმა უნდა ეს არის ოკუპაცია“,-განაცხადა დავით სერგეენკომ.

ცნობისთვის,  დავით სერგეენკომ გასუ კვირას მთავრობის სხდომის დასრულების შემდეგ განაცხადა, რომ არანაირი მცოცავი და ეტაპობრივი ოკუპაცია არ არის - ეს არის იმ ”საზღვრების” დადგენა, რომელსაც 2008 წელს, ძალიან სამწუხაროდ, ლეგიტიმაცია მაშინდელმა მთავრობამ გაუკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა