მამა გიორგი მამალაძის ადვოკატის, ეკა ლომიძის განცხადებით, დეკანოზის მეგობრის, ტარას შავშიშვილის დაკითხვა მიმდინარეობს.

ლომიძის თქმით, შავშიშვილმა ჩვენებაში დაადასტურა, რომ ციანიდზე მამა გიორგი მამალაძესთან საუბარი არ ჰქონია და მისი არც მსგავსი რამ გადაუცია.

ამასთან, ლომიძის ინფორმაციით, ტარას შავშიშვილმა აღნიშნა, რომ ცილისმწამებლური სტატიების გამოქვეყნებაში მონაწილეობა არ მიუღია და ასეთი სტატიები არც არსებობდა.

რაც შეეხება იმას, თუ რა გადასცა ტარას შავშიშვილმა მამა გიორგი მამალაძეს აეროპორტში გამგზავრებამდე, ლომიძის თქმით, შავშიშვილმა დღეს აღნიშნა, რომ დეკანოზს ღვინო და სასულიერო პირისთვის განკუთვნილი ბარათი გადასცა.

„ტარას შაშვიშვილმა სასმართლოს წინაშე დაადასტურა, რომ არანაირი საუბარი დეკანოზთან ციანიდზე არ ჰქონია, არ გადაუცია მისთვის მსგავსი რამ, არც ერთი ფაქტი არ არსებობს ამის დამადასტურებელი. ადასტურებს, რომ მამალაძესთან ჰქონდა ერთწლიანი ურთიერთობა, მეგობრული ახლო ურთიერთობა. ციანიდთან და ცილისმწამებლურ სტატიებთან შეხება არ დაადასტურა. თქვა, რომ არანირი ცილისმწამებლური სტატია არ დაუკვეთავს არასოდეს“, - განაცხადა ეკა ლომიძემ.

ამასთან, როგორც ადვოკატი აცხადებს, საფუძველს მოკლებულია საუბარი იმის შესახებ, რომ პატრიარქი მდივან-რეფერენტი შორენა თეთრუაშვილი მამა გიორგი მამალაძისთვის კარიერული წინსვლის დამაბრკოლებელ გარემოებას წარმოადგენდა. მისივე თქმით, მოწმემ განმარტა, რომ თეთრუაშვილი კარიერულ წინსვლაში მამალაძეს ხელს ვერ შეუშლიდა, რადგან ეს მის ფუნქციებში არ შედიოდა.

ამ წუთებში ტარას შავშიშვილის დაკითხვა ჯვარედინ რეჟიმში მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხვა: ტრამპის მოწონების რეიტინგი 33%-მდე დაეცა

მოსკოვზე უკრაინული დრონების ღამის თავდასხმა ბოლო ორი წლის განმავლობაში ყველაზე მასშტაბური იყო

ომი ისრაელს 140 მილიარდი დოლარი დაუჯდა - The Marker

შავ ზღვაში რუსული ნავთობის გადამზიდავ ბერძნულ ტანკერს თავს დაესხნენ - Bloomberg