თურქეთის რესპუბლიკაში მკურნალობა ავტოსაგზაო შემთხვევის შედეგად დაშავებულმა კიდევ ერთმა პაციენტმა დაასრულა.

აჭარის ჯანდაცვის სამინისტროს ინფორმაციით, ახალგაზრდა ქალბატონი გირესუნის კლინიკაში იყო მოთავსებული.

მათივე ცნობით, მდგომარეობის სტაბილიზაციის შედეგ, პაციენტის, სარფის საბაჟო პუნქტამდე ტრანსპორტირება თურქეთის სასწრაფო სამედიცინო ბრიგადამ უზრუნველყო, ამის შემდეგ ქალბატონი კლინიკა "მედცენტრში" იქნა გადაყვანილი.

ავტოსაგზაო შემთხვევის შედეგად დაშავებული აჭარის ჯანდაცვის მინისტრი ზაალ მიქელაძე მოინახულა და მალე გამოჯანმრთელება უსურვა.

„ამჟამად თურქეთის კლინიკებში მკურნალობის კურსს 2 დაშავებული გადის. ისინი სამედიცინო დაწესებულებებს ეტაპობრივად დატოვებენ. ავტოსაგზაო შემთხევა, 16 ივლისს, ტრაპიზონიდან 120 კილომეტრში, გირესუნის მახლობლად მოხდა. გასტროლებზე ბულგარეთში მიმავალი ავტობუსი, რომელშიც 38 ადამიანი იმყოფებოდა, გზიდან გადავიდა და ამობრუნდა. ავტოავარიის შემთხვევიდან რამდენიმე საათში აჭარის მთავრობის თავმჯდომარემ ზურაბ პატარაძე მეუღლესთან და აჭარის ჯანდაცვის მინისტრთან ერთად თურქეთის ქალაქ ტრაპიზონში გაემგზავრა და დაშავებულები სხვადასხვა საავადმყოფოში პირადად მოინახულა“, - ნათქვამია აჭარის ჯანდაცვის სამინისტროს ინფორმაციაში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: წელიწადნახევრის წინ ჩაძირული რუსული გემი შესაძლოა ჩრდილოეთ კორეისკენ მიემართებოდა, რომელსაც ბირთვული რეაქტორები გადაჰქონდა

რუბიო ჩინეთში სხვა სახელით გაფრინდა, რათა თავი აერიდებინა პეკინის დაწესებული სანქციებისთვის

ტრამპმა უარყო პუტინთან დონბასის რუსეთისთვის დათმობასთან დაკავშირებით რაიმე შეთანხმების არსებობა

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი