ჰამბურგში "დიდი ოცეულის" სამიტთან დაკავშირებით შექმნილი არეულობები მასობრივი დაკავებებით დასრულდა, - ამის შესახებ BBC იუწყება.

მედია საშუალების ინფორმაციით, პროტესტი და არეულობა ქალაქში მთელი ღამის განმავლობაში გრძელდებოდა.

სამართალდამცველების თქმით, მომხდართან დაკავშირებით 102 ადამიანი დააკავეს. გარდა ამისა, არეულობის შედეგად 197 პოლიციელი დაშავდა.

მედიის ცნობით, მომიტინგეები ძირითადად "მოლოტოვის კოქტეილებით" იყვნენ შეიარაღებულები.

მთელი დღის განმავლობაში მიტინგი "დიდი ოცეულის" სამიტის პარალელურად მიმდინაროებდა. დემონსტრანტებმა სამართალდამცველებს ბოთლები და ქვები დაუშინეს, მანქანები დაწვეს, სამართალდამცველებმა კი წყლის ჭავლი   და ცრემლსადენი აირი  გამოიყენეს.

როგორც მედია წერს, საერთო ჯამში, საპროტესტო აქციაში 12 ათასი ადამიანი მონაწილეობდა.

შეგახსენებთ, რომ ჰამბურგში "დიდი ოცეულის" სამიტი მიმდინაროებს, რომელსაც მსოფლიო ლიდერები ესწრებიან. სამიტი დღესაც გაგრძელდება, ხოლო გუშინ "დიდი ოცეულის" ფარგლებში ამერიკის შეერთებული შტატების პრეზიდენტის დონალდ ტრამპის და რუსი კოლეგის ვლადიმერ პუტინის პირველი შეხვედრა შედგა.

ცნობისთვის, ჰამბურგი პერიოდულად მასობრივი პროტესტების გამართვით არის ცნობილი. ქალაქში არსებობს "მემარცხენეების" რაიონი, სადაც აქტივისტები ცხოვრობენ. სამიტის საწინააღმდეგო დემონტრაცია 6 ივლისს დაიწყო და სამიტის პირველ დღეს გაგრძელდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს