ქვეყანაში არის კრიზისი და ხელისუფლებას მოვუწოდებ, დავიწყოთ ყველაფერი ნულიდან, შევთანხმდეთ ისეთ დოკუმენტზე, რომელსაც ექნება ლეგიტიმაცია, - ამის შესახებ "პატრიოტთა ალიანსის" ლიდერმა ირმა ინაშვილმა განაცხადა.

როგორც ინაშვილმა აღნიშნა, კონსტიტუციის ლეგიტიმაციამ კითხვის ნიშნები არ უნდა გამოიწვიოს. 

„პირდაპირ უნდა ითქვას, რომ ქვეყანაში არის კრიზისი. ფიქრი უნდა დავიწყოთ იმაზე, როგორ ავიცილოთ კრიზისი და არა იმაზე, როგორ გავამწვავოთ უფრო ვითარება. ორი მოსმენით მიღებულია საკონსტიტუციო ცვლილებების პროექტი, ასევე ახლა მუშაობს პარლამენტი საარჩევნო კოდექსის ცვლილებებზე, რაც სრულიად აზრს უკარგავს საარჩევნო პროცესს ქვეყანაში, ამიტომ ჩვენ გვინდა კიდევ ერთხელ მივმართოთ, რომ უნდა მოხდეს შეთანხმება. ეს არის ჩემი მთავარი გზავნილი ხელისუფლებისადმი, რომ უნდა დავიწყოთ ნულიდან ყველაფერი, უნდა დავიწყოთ მოლაპარაკება, რაღაცას დათმობს ხელისუფლება, რაღაცას ოპოზიცია და ჩვენ უნდა შევთანხმდეთ დოკუმენტზე, რომელსაც ექნება ლეგიტიმაცია, რომელიც არ გამოიწვევს კითხვის ნიშნებს, როგორც ქვეყანაში, ასევე ქვეყნის გარეთ“,-განაცხადა ირმა ინაშვილმა

ცნობისთვის, ვენეციის კომისიის პრეზიდენტის ჯანი ბუკიკიოსა და ოპოზიციური პარტიების შეხვედრა მიმდინაროებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო