ე.წ. ციანიდის საქმეზე დღეს გამომძიებლები დაიკითხებიან, რომლებმაც აეროპორტში მამალაძის ბარგი ამოიღეს და სახლი გაჩხრიკეს

2017-06-29 11:08:56, 2159 ნახვა

სამართალი

ე.წ. ციანიდის საქმეზე სასამართლო პროცესი ბრალდების მხარის მოწმეების დაკითხვით განახლდება.

პროკურორ ზვიად გუბელაძის ინფორმაციით, დღეს ბრალდების მხარის 10 მოწმე დაიკითხება.

კერძოდ, პროკურორის განმარტებით, მათ შორის დაიკითხებიან ის გამომძიებლები, რომლებმაც აეროპორტში უშუალოდ ამოიღეს ბრალდებულ მამა გიორგი მამალაძის ბარგი.

ასევე, ზვიად გუბელაძის თქმით, დაიკითხებიან გამომძიებლები, რომლებმაც ბრალდებულის სახლის ჩხრეკა ჩაატარეს და იარაღი ამოიღეს.

„ისინი დაადასტურებენ, რომ საგამოძიებო მოქმედება კანონის სრული დაცვით ჩატარდა“, -აღნიშნა ზვიად გუბელაძემ.

გარდა ამისა, ზვიად გუბელაძემ მედიასთან საუბრისას აღნიშნა, რომ პატრიარქის მდივან რეფერენტი შორენა თეთრუაშვილი აუცილებლად დაიკითხება, თუმცა ეს დღეს არ მოხდება.

პროკურორი მისი დაკითხვის კონკრეტულ თარიღს არ ასახელებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან