საქართველოს მთავარი პროკურორის ირაკლი შოთაძის განცხადებით, ე.წ. ციანიდის საქმის მოწმემ, ჟურნალისტმა ირაკლი მამალაძემ საქართველო დატოვა.

როგორც შოთაძემ პროკურორთა საერთაშორისო კონფერენციის დაწყებამდე ჟურნალისტებს განუცხადა, საქართველოს გარკვეული პერიოდით დატოვების შესახებ, მოწმემ პროკურატურას აცნობა.

„ჟურნალისტების წინააღმდეგ არ მიმდინარეობს გამოძიება. ეს ფაქტების დამახინჯებაა. ჩვენ გავავრცელეთ განცხადება, სადაც დავაფიქსირეთ, რა ფაქტზე დავიწყეთ გამოძიება. ქვეყნის დატოვების მოტივი მისი პირადი საქმეა“, - განაცხადა ირაკლი შოთაძემ.

რაც შეეხება დეკანოზ გიორგი მამალაძის ადვოკატების განცხადებას, რომ ციანიდის ამოღების პროცესი ვიდეოთი გადაღებული არ არის და შესაბამისად, მტკიცებულებები არ არსებობს, შოთაძემ აღნიშნა, რომ ყველა მოქმედება კანონის მკაცრი დაცვით ჩატარდა.

 „ყველა საგამოძიებო თუ საპროცესო მოქმედება კანონის მკაცრი დაცვით არის ჩატარებული. სიცრუეა, რომ რაღაც საპროცესო ნორმების დარღვევით ჩატარდა“, - განაცხადა მთავარმა პროკურორმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა