შს სამინისტრო აგრძელებს საგზაო მოძრაობის უსაფრთხოების ფართომასშტაბიან კამპანიას - „შენი გულისთვის, შენი უსაფრთხოებისთვის“. კამპანიის ფარგლებში, ამჯერად ბათუმი-ჩაქვის დამაკავშირებელი გვირაბი და ბათუმის პორტის კედლის ერთ-ერთი მონაკვეთი სტრიტ-არტის სტილით მოიხატა.

მხატვარმა ირაკლი ადეიშვილმა, საზღვაო სეზონის დადგომასთან დაკავშირებით, ბათუმი-ჩაქვის დამაკავშირებელი გვირაბის ორივე მხარეს და ბათუმის პორტის კედელზე საგზაო მოძრაობის უსაფრთხოების კამპანიის ლოგო - საგზაო ნიშნებით დაფარული გული და სლოგანი დახატა.

შსს-ს საგზაო მოძრაობის უსაფრთხოების კამპანიას საგზაო დეპარტამენტის აჭარის საავტომობილო გზების სამსახური და ბათუმის შოთა რუსთაველის სახელობის სტუდენტებიც შემოუერთდნენ, რომლებმაც ბათუმის ქუჩებში მძღოლებს შსს-ს კამპანიის - „შენი გულისთვის, შენი უსაფრთხოებისთვის“ ბრენდირებული საჩუქრები გადასცეს.

საქართველოს ქალაქების ცენტრალურ ადგილებში, კამპანიის ფარგლებში, სტრიტ-არტის სტილით კიდევ რამდენიმე კედელი მოიხატება.

აქციის მიზანია საგზაო მოძრაობის უსაფრთხოების შესახებ საზოგადოების ცნობიერების ამაღლება.
 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა