შრომის ინსპექტორების მიერ შესწავლის შედეგად, ობიექტზე, რომლის მესამე სართულიდანაც დღეს მუშა გადმოვარდა, უსაფრთხოების ნორმებთან დაკავშირებული არსებითი სახის დარღვევები გამოვლინდა.

ამის შესახებ „ექსპრესნიუსს“ შრომის და დასაქმების პოლიტიკის დეპარტამენტის ხელმძღვანელმა ელზა ჯგერენაიამ განუცხადა.

„მიღებული შეტყობინებიდან დაუყოვნებლივ მოხდა ადგილზე გასვლა და ამ ინციდენტის შესწავლა, რომელსაც ადგილი ჰქონდა სამშენებლო ობიექტზე, სადაც მესამე სართულიდან მუშა გადმოვარდა. პირველადი მოკვლევებით, ჩვენი მობილური ჯგუფის შრომის ინსპექტორთა შესწავლის შედეგად, გარკვეული სახის არსებითი დარღვევები გამოვლინდა, რომლებიც შრომის უსაფრთხოების ნორმებს ეხება. დაშავებული გადაყვანილი იქნა კლინიკაში, სადაც გადის მკურნალობას. იმედი მაქვს გამოჯანმრთელდება“, - აღნიშნა ელზა ჯგერენაიამ.

რაც შეეხება შრომის ინსპექციის მანდატის გაძლიერებას, ჯგერენაიას თქმით, სწორედ ამ მიზნით შემუშავდა კანონპროექტი, რომელიც ინტენსიურად განიხილება პირველი მოსმენით კომიტეტებში.

„პირველი ეტაპისთვის მოხდება შემოწმება და ინსპექტირება მომეტებული საფრთხის მქონე კომპანიებში, იქ სადაც მაღალია უბედური შემთხვევების, დაშავების და ჯანმრთელობის დაზიანების რისკი. შემდეგ მოხდება გაფრთხილება, არის ადმინისტრაციული სახდელები ჯარიმის სახით, რასთან დაკავშირებითაც მიმდინარეობს მსჯელობა კომიტეტებში“, - განაცხადა ჯგერენაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა