2017-06-10 17:53:58, 2255 ნახვა
სამართალი
მცხეთის გზაზე ავტომობილი დაიწვა
მცხეთის გზაზე ავტოსაგზაო შემთხვევა მოხდა.
როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, ავტომობილი გზაგამყოფ ჯებირს შეეჯახა და ცეცხლი გაუჩნდა.
უწყების ცნობით, ავტომობილში სულ 3 ადამიანი იმყოფებოდა. მათგან ორმა მსუბუქი დაზიანება მიიღო.
გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის დარღვევას გულისხმობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
