ხუთმა არაბულმა ქვეყანამ ყატართან დიპლომატიური ურთიერთობები გაწყვიტა, - ამის შესახებ BBC იუწყება. 

მედია საშუალების ინფორმაციით, იემენი, ბაჰრეინი, საუდის არაბეთი, ეგვიპტე და არაბეთის გაერთიანებული საემიროები ყატარს ქვეყნის შიდა საქმეებში ჩარევაში, რეგიონში არასტაბილური ვითარების ხელშეწყობასა და ტერორისტული საქმიანობის მხარდაჭერაში ადანაშაულებენ. 

აღნიშნული ქვეყნების გადაწყვეტილებით, ყატარელ დიპლომატებს 5 სახელმწიფოს დასატოვებლად 48-საათიანი ვადა მიეცათ. ქვეყანასთან ასევე საჰაერო და საზღვაო მიმოსვლაც შეწყდება და ყატარის მოქალაქეებს ოთხივე ქვეყანაში შესვლა აეკრძალებათ. 

ყატარი არაბული კოალიციიდანაც გარიცხეს, რომელიც იემენში აჯანყებული შიიტი ჰუსიტების წინააღმდეგ სამხედრო ოპერაციას ატარებს. 

ხუთივე ქვეყნის ხელისუფლება ყატარს ტერორისტული ორგანიზაციების “ალ-ქაიდასა” და "ისლამური სახელმწიფოს" მხარდაჭერაში ადანაშაულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს