საქართველოს პრემიერ-მინისტრი გიორგი კვირიკაშვილი უკრაინის უმაღლესი რადას თავმჯდომარეს ანდრი პარუბის შეხვდა.

მხარეებმა ხაზი გაუსვეს ორმხრივი ურთიერთობების განვითარების პოზიტიურ დინამიკას მთელი რიგი მიმართულებებით და აღნიშნეს, რომ გაცილებით მეტია პოტენციალი, რომელიც სრულად უნდა იყოს გამოყენებული.

ყურადღება დაეთმო რეგიონულ საკითხებს, სატრანსპორტო დერეფნების, სატრანზიტო მიმართულების განვითარებისა და სავაჭრო-ეკონომიკური კავშირების გაღრმავებას.

საუბარი შეეხო ტურიზმის მიმართულებით არსებულ დადებით ტენდენციას. პრემიერ-მინისტრმა განაცხადა, რომ მთავრობა საქართველოსადმი უკრაინელი ტურისტების მზარდ ინტერესს მიესალმება.

შეხვედრისას, ასევე ხაზი გაესვა მაღალი დონის ვიზიტების ინტენსიურ დინამიკას, რაც ორმხრივი თანამშრომლობის გაძლიერებას ისახავს მიზნად და აღინიშნა, რომ უახლოეს მომავალში საქართველოში უკრაინის პრეზიდენტის პეტრო პოროშენკოს ვიზიტი იგეგმება.

საუბარი შეეხო ორი ქვეყნის ევროპულ მისწრაფებებს. მხარეებმა, ამ მიმართულებით, მოლდოვასთან ერთად, სამმხრივ ფორმატებში თანამშრომლობის პერსპექტივაც განიხილეს; ასევე - ისაუბრეს მაღალი დონის ფორუმებისა და საერთაშორისო ორგანიზაციების ფარგლებში მჭიდრო თანამშრომლობის აუცილებლობაზე. გიორგი კვირიკაშვილმა ანდრი პარუბის უკრაინის მოქალაქეებისთვის შენგენის ზონაში უვიზო მიმოსვლის შემოღების შესახებ გადაწყვეტილების მიღება მიულოცა.

მხარეებმა საერთაშორისოდ აღიარებულ საზღვრებში სუვერენიტეტისა და ტერიტორიული მთლიანობისადმი ურთიერთმხარდაჭერა კიდევ ერთხელ დაადასტურეს.

უკრაინულმა მხარემ პროდუქტიულად და ეფექტურად შეაფასა თანამშრომლობა საქართველოს პარლამენტთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება