„2016 წელს საპარლამენტო არჩევნებს ვაკვირდებოდი და მაშინ მივხვდი, საქართველოს ასეთი კარგი რეპუტაცია რატომ აქვს, ასეთი ლამაზი ქვეყნისა და სტუმარ-მასპინძლის“, - ამის შესახებ ნატო-ს საპარლამენტო ასამბლეის პრეზიდენტმა პაოლო ალიმ სასტუმრო „ჰუალინგში“  ასამბლეის საგაზაფხულო სესიაზე სიტყვით გამოსვლისას განაცხადა.

მან საქართველოს პარლამენტის თავდაცვისა და უშიშროების კომიტეტის თავმჯდომარეს ირაკლი სესიაშვილს გაწეული სამუშაოსთვის მადლობა გადაუხადა.

„ეს არის პირველი სესია, რომელიც საქართველოში გაიმართა. ბატონო ირაკლი, თქვენ და თქვენმა პოლიტიკურმა ჯგუფმა არაჩვეულებრივი შრომა გასწიეთ და ეს წარმატებული სესია ჩაატარეთ. მადლობელი ვართ, რაც ამ დღეების განმავლობაში გაკეთდა. ჩემთვის დიდი პატივია, რომ საქართველოში ოქტომბერში კიდევ ჩამოვიდე. 2016 წელს საპარლამენტო არჩევნებს ვაკვირდებოდი და მაშინ მივხვდი, საქართველოს ასეთი კარგი რეპუტაცია რატომ აქვს, ასეთი ლამაზი ქვეყნისა და სტუმარ-მასპინძლის. იმიტომ, რომ ეს ქვეყანა ამ რეპუტაციას მართლაც ამართლებს. ახალგაზრდა მოხალისეები გვყავს, რომლებიც გვეხმარებოდნენ და მათ მადლობას ვუხდი, მათ ნამდვილად დიდი შრომა გასწიეს“, - განაცხადა პაოლო ალიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა